1. Ф.М.Лукин хăçан тата ăçта çуралса ÿснĕ?

2. Филипăн ашшĕпе амăшĕ мĕн ятлă пулнă, пулас композитор çемьере миçемĕш ача пулнă?

3. Пулас композитор музыкăпа туслашасси ăçтан пуçланнă? Кам пулăшнипе?

4. Шупашкарти музыка шкулне (театрпа музыка техникумне) хăçан вĕренме кĕнĕ çамрăк Хĕлип? Мĕнле уйрăмра вĕреннĕ вăл?

5. Музыка училищинче пĕлÿ илнĕ тапхăрта Филипшăн хăш çул асра юлнă?

6. 1929 çулта Ф.Лукин Ф.Павлов ертсе пыракан кружока çырăнать. Çавăнта вăл хăй тĕллĕн юрăсем çырма пуçлать. Хăйĕн пĕрремĕш юррисене ăçта пичетлет вăл?

7. Мускаври музыка консерваторийĕнче хăш педагогсен класĕнче вĕреннĕ?

8. 1942 çулта консерватори пĕлĕвĕ илнĕ Филипа мĕнле пултарулăх ушкăнне ертсе пыма шанаççĕ?

9. Ф.М.Лукинăн 1941-1945 çулсенчи вăрçă вăхăтĕнче çырнă хайлавĕсене палăртăр.

10. Чăваш Республикинчи композиторсен союзĕн правлени председателĕнче миçе çул хушши вăй хунă вăл?

11. Филипп Лукинăн «Хăмла пахчи» юрă сăввин текстне Петĕр Ялкирпа Николай Сандров çырнă. Хушма юрлав тексчĕ хăшĕн-ши?

12. Композитор ачасем валли те сахал мар юрă çырнă. Хăй пурнăç тăршшĕнче ачасем валли миçе юрă хайлама мехел çитернĕ композитор?

13. Чăваш академи театрĕн сцени çинче лартнă хăш спектакльсене Ф.Лукин музыкипе илемлетнĕ?

14. Çак произведенисенчен хăшĕсене автор скрипкăпа фортепиано валли çырнă?

15. Çак сăмахсене кам тата хăçан каланă: «Филипп Миронович пирĕншĕн аслă юлташчĕ, хăйĕн анлă тавра курăмĕпе, сăнавĕ-канашĕпе пире пулăшса пыратчĕ. Пĕрлехи ыйтусене татса панă чухне хăй шухăшне татăклăн та уçăмлăн калатчĕ,

тĕрĕслĕхе хăюллăн хÿтĕлетчĕ, чăн-чăн искусство халăх пултарулăхĕ çинче никĕсленсе тăмаллине яланах асра тытма вĕрентетчĕ»?

16. Çак юрă тексчĕ Ф.М.Лукин композиторăн хăш юрринчен?

Сар хĕвел ансан кÿршĕ ял хыçне,

Çăлтăрсем тухсан каçхи тÿпене,

Ман çине ăшшăн пăхаççĕ

Хура куçсем, çĕмĕрт куçсем

Шуçăм киличчен, тул çутăличчен.

17. Ф.М.Лукина халалланă сăвă авторĕ кам?

Ыр çыннăн ячĕ – ырă палăк,

 – Йăл-йăл çиçет хĕвел куллен.

Хăйне пăхса ÿстернĕ халăх,

Чун-чĕринче пурнать Лукин.

18. Филипп Лукина мирлĕ ĕçри хастарлăхпа паттăрлăхшăн мĕнле орден-медальпе наградăланă? Ф.М.Лукин ячĕллĕ урам Шупашкарăн хăш районĕнче вырнаçнă?