Ака уйахӗн 22-мӗшӗнче Упи клубӗнче Георгий Маркович Марков паллӑ бригадир ҫуралнӑранпа 100 ҫул ҫитнине халалласа пысӑк уяв иртрӗ. Унта 5-11 классем те хутшӑнчӗҫ.

Георгий Марков 1922 ҫулхи ака уйӑхӗн 16-мӗшӗнче Красноармейски районӗнчи Ҫӗнӗ Йӗкӗт ялӗнче ҫуралнӑ. Нумай ҫул хушши Ленин ячӗллӗ колхозӑн пӗрремӗш бригадин бригадирӗ пулнӑ. Хастар ӗҫӗшӗн Ӗҫлӗх Хӗрлӗ Ялав, Октябрьти революци, Ленин  орденӗсене илме тивӗҫнӗ. Г. М. Марков вӑрҫӑ ветеранне Хӗрлӗ Ҫӑлтӑр орденпа тата «1941-1945 ҫулсенчи Тӑван ҫӗршывӑн Аслӑ вӑрҫинче Германие ҫӗнтернӗшӗн», «Кавказа хӳтӗленӗшӗн» медальсемпе чысланӑ. Эпир хамӑр ентешпе тивӗҫлипех мухтанатпӑр.