Ака уйăхĕн 4 – мĕшĕнче     Чăваш Республикин вĕренÿ тата çамрăксен политикин министерствипе Чăваш Республикин вĕренÿ институчĕн Регионсен аталанăвĕн центрĕ Чăваш чĕлхи кунне халалланă 2019 çулхи «Туслăх хĕлхемĕ» / «Искорка дружбы» республика  шайĕнчи фестивалĕн куçăмлă тапхăрĕ  иртрĕ. Фестивале  1-4 классенче вĕренекенсем хутшăнчĕç.
    Фестивалĕн куçăмлă тапхăрĕ  Чăваш Республикин вĕренÿ институтĕнче иртрĕ.  Институтăн акт залне  район-хула шайĕнче тата республикăн куçăмсăр  тапхăрăнче çĕнтернĕ ачасем пуçтарăнчĕç. «Сăмах илемĕ», «Чăваш вăййи», «Янра, чăваш юрри», «Чăваш ташши», «Чăваш апачĕ» номинацисенче 150 ачана яхăн тупăшрĕ. Вĕсем хушшинче  Чăваш Республикинчи шкулсенче вĕренекенсем кăна мар, Тутар Республикипе Самар облаçĕнчи шкулсенче вĕренекенсем те  пулчĕç.
Тупăшăва хутшăнакансен хушшинче  Упири вăтам шкулăн 3-мĕш класĕнче вĕренекен Иванова Диана та пулчĕ. Вăл  «Чăваш апачĕ» номинацире «Хуран кукли» проект ĕçне хÿтĕлерĕ. Хĕрÿ тупăшура Диана призёр ятне çĕнсе илчĕ.